فى الاتحاد الدولى ليه سامع شغب
انا ايوه هو ابن اللذين (
المنتخب)
وكنت بلعب باك رايت فى
المنتخب خط الهجوم ملوش لزوم فى الوقت ده
وخط الوسط المنسحب سلم خلاص ولا فيش دفاع فى المنطقه
وان كنت عايز تعترض , اخبط دماغك فى اعلى عارضه والمعارضه تنطلق
ميهمنيش حكام مفيش لو كارت احمر ولا اصفر بلو واشرب مايته
دا الفيفا وام الفيفا دى انتيم لدادى وصحبته
حتى المجالس واللجان من شلته
عكمتهم وعزمتهم يوم الانتخاب عشوة كباب كان يوم هباب من اوله
وها الله ها الله وعهد الله انا مفترى
عنقود مهاره يا ابنى فالته وعبقرى
تشكيله من
الحرس القديم ابن اللئيم اللى اتهرى
ومدرب الاحمال جديد واحد حديد بيقولوا قال انه افترى
ومراقب الخط اتعمى وطاقم التحكيم محلى وبالبلى
والمنع حصريا دراما حصرى مسجله
ومقولكوش خط الدفاع
عزمى وشريف مبيرحموش
والجون
نظيف وشباكه جامده محصنه
والليبرو مين
تيحا الخبير خبره وماركه مسجله
وهجومنا كامل الاكتمال
عز الرجال والهاف
كمال تحتيه
حبيب العادلى وشهاب ع الشمال اخر جمال رجاله اخر روشنه
عاملين كامين بقانون طوارئ مستمر لـــ100 سنه
ومحضرين ضربات جزاء للمعترض
والطرد للمتسللين جزب الغلابه المنقرض
ودى خطتى لاعب وحيد المستفيد هو انا
وهاكلها والعه بألف 100 مليون هنـــــــــا
وهشوط لمين ولفين وليه دى الكوره جوه فى ملعبى
امــــــــــــــــــــــــــا صحيح جمهور غبى
هتحسبنوا وتنفسنوا مش سكتى , هتهيصوا مش قصتى
وان كنتوا يعنى بتحلموا توصلوا وتسجلوا
حقا بقا , لا مؤاخذه تبقوا بتحلموا
وعلــــــــى جثتى علــــــــــى حثتى علــــــــــى حثتى
الشاعره/ايمان بكرى