تهييس

موضوع: تهييس الجمعة فبراير 12, 2010 3:29 am

مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم ومش معاه فكه فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول

واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون

مره واحد ندل فتح مصنع بيبسى وكتب على كل ازازه (رج جيدا قبل الفتح)

مره واحد سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50ك لقى يافطه تانيه مكتوب عليها (خفف 30 ك) راح مخفف30ك لقى يافطه تانيه مكتوب عليها (خفف 10 ك) راح مخفف10ك لقى يافطه تانيه مكتوب عليها (خفف 1 ك) راح مخفف1ك لقى يافطه مكتوب عليها "اهلا بكم في مدينه خفف"

واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين

مرة واحد مسئول بيفتتح حمام سباحة فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"

مرة واحد غبي راح للدكتور و قاله "كل منطقة في جسمي بتوجعني" كشف الدكتور عليه مفيش حاجة وجعته سأله تاني "فين المنطقة اللي بتوجعك"، قاله "هنا و هنا و هنا" و هو بيشاور بصباعه في كل مكان و قاله "بص يا دكتور وشاور على راس الدكتور وقاله حتي راسك بتوجعني" فاكتشف الدكتور إن صباع المريض مكسور

واحد غبي حدف لحبيبته وردة ماتت علشان نسي يشيل الوردة من الزهرية

مرة اثنين فشارين بيقول للتانى :أنا مرة قريت الجرنال من وراء ضهرى، التانى قاله :ايه ياعنى تصدق إن أنا قريت كلمة من غير حروف.

واحد غبي فتح محل غاز..وعلشان يعمل دعاية للمحل..فجر اسطوانة غاز

مرة ثلا ثة اصدقاء وعدو بعض انهم يجيبو اكبر قطة فالأول راح حديقة الحوانات جاب قطة، فدخل التاني جاب قطة اكبر شوية، فدخل الثالث اسبوع شهر دخلو يشوفو لقوه قاعد فوق الفيل ويقول حتنو نو يعنى حتنو نو

مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء فطالب سأله لو سمحت يا استاذ هي الهمزة علي السطر ولا علي ألف، سكت المدرس شوية يفكر وبعدين قاله خلاص خليها الخميس

واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه مسكه وقال حرامى

واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على الاسئله خلص الإمتحان في نص ساعة طلع البريزة تانى علشان يراجع

مرة مدرس دخل الفصل فقال للتلاميذ يعيش السمك فى الماء رد التلاميذ يعيش يعيش يعيش

كان مرة واحد كل يوم يحلم بماتشات عصافير فراح للدكتور وقال له اللى بيحصله والدكتور قاله خد الدواء ده النهاردة رد عليه وقال له ينفع اخده بكره عشان النهاردة النهائى

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للحشيش. الباب خبط. مين. افتح بوليس. راح مقطع الخمسين جنيه بتاعة الحشيش

مره 2 فشارين بيفشروا على بعض الاول قاله انا كنت فى الغابه وجالى تعبان شافنى اتخض ام ميت قاله يا خرابى وانا كنت فى الصحراء جالى اسد جريت منه ورا الباب الاول ام قايله مفيش باب فى الصحراء وبعدين قاله استخبيت فوق الشجره قاله مفيش شجر فى الصحره التانى قاله عاجبك كده اهو كلنى

مرة واحد مجنون كان بيكتب جواب فدخل الدكتور عليه قاله بتعمل ايه قاله بكتب جواب لنفسي فراح الدكتور قاله بتكتب فيه ايه فرد عليه المجنون يامجنون هو لسة جالي عشان اعرف

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت

غبي حب يغرق صاحبه خرم له المايوه

مرة 10 صعايدة بيلعبوا علي الطريق الدائري الي يدهس مرتين يطلع

مرة مدرس انجليزى طلعله عفريت قاله بخ قاله اسبلها كده

مرة واحد غبى راكب حمار فبيعدى على بنزينة لقا ان العربيات كل ما يتحطلها بنزين تطلع تجرى راح دخل البنزينة وقال للراجل حط للحمار عشرة لتر بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى بعيد قام الراجل قاله حطلى انا بقى عشرين عشان الحقه

مره واحد غبي راح السنيما هو ومراته اول ما النور طفا قال لها قومى يا وليه شكلهم هيناموا

اربعة أغبياء عملوا عملية اختطاف فخطفوا فتاه واوقفوا تاكسى فسائق التاكسى قال:التاكسى ده اربعه راكب بس قاموا سابوا الفتاه وركبوا هم

مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناطحات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش

سأل المدير مراقب الامتحانات ليه طردت التلميذ من الامتحان ؟ المعلم : كان بيغش .. شفتة بيعد ضلوعة في مادة العلوم

كان مره واحد جزار راح يخطب
ابو العروسه قال له المهر خمسون الف جنيه قال له الجزار ليه الكيلو بكام

واحد ماشي في جنازة مراته وهو بيضحك بيسألوه بتضحك ليه قال لهم دي اول مرة في حياتي اعرف مراتي رايحة فين !؟

واحد صعيدي نزل هو وامه القاهرة امه شافت السيارت قالتلة حسنين ايوة يا امة العربيات بتمشي من غير حمار قلها اسكتي يا امة حيضحكوا علينا دا الحمار من جوة

فيه صعيدي راح يحلل قالتله الممرضة دمك فيه سكر بيحسبها بتغازله قال دنتي اللي عسل

استاذ تم نقله لقرية كلهم اغبياء سألهم ليتعرف على مدى ثقافتهم من قتل السادات ؟ بكوا الطلاب جميعا ويقولون والله ماشفنا اللي قتله زعل المدرس وراح للمدير وقال للمدير ازاى اسأل الطلاب من قتل السادات ولاواحد جاوب ! قال المدير اممممممم وبتشك فى مين فيهم ؟

واحد غبى قاعد يصلي وسمع اثنين يمدحون صلاته قطع صلاته والتفت ليهم وقال لأ وايه صايم

تزوج لص من لصه فولدت له طفلا و لكن يد ه كانت مقفوله فاخدوه الى الطبيب ليفتحها فوجدوا بها خاتم الممرضه !!!!

فية شخص اسنانه طايحة كلها ما عدا الانياب قدم على وظيفة
عينوة خـرامــــــة

نذل طب على بيت عجوز مالقى شئ يسرقه من البيت بس لقى العجوز بردانه راح مشغل المكيف

نذل يوصي عياله بالنذالة في مرض موته يوم جت روحه تطلع و يقول الشهادة قام واحد من عياله وسد بقه

واحد غبى ابوه مات بيسأل عمه ويقول يعنى خلاص مافيش أمل أشوف ابويا مرة ثانيه

ندل بيبكي في جنازة سألوه تعرفه ؟ قال لا بس سمعت ان البكاء يعذب الميت

واحد صعيدى رجع لزوجتة قال لها الحمار ضاع منى قالتله ولا تزعل دخلتك علينا ب 100 حمار

صعيدى أخذ شهادة دكتوراه فقال لزوجته والله ماخبرشى ليه الناس بيضحكوا على الصعايدة أدينى جبت الدكتوراه. فقالت له زوجته: دق على الخشب عشان العين. فدق على الخشب. فقالت الزوجه مين على الباب؟ فقال الزوج: خليكي انا حاشوف مين

نزل قرار فى البلد بمنع الصعايده من السفر طب يعملوا ايه عشلن يعرفوا الصعايده قالك احنا
نجيب جردل ونسأل كل واحد ده ايه الصعيدى هيقول على الجردل دردل واحد صعيدى عرف قالك انا اركز واحفظ الكلمه صح المهم الصعيدى ده راح المطار بتاع الجوازت بيقولوا ايه ده يا بلدينا قاله جردل قاله مظبووط ادينى اسمك قاله محمد دومعه

واحد صعيدى دخل حديقة الحيوانات و دخل راسة فى قفص الاسد الحارس جرى علية قاله
انت بتعمل اية قال اية يا بوى يعنى هاكلة ولا ايه ...........!

واحد بلدينا راجع من الحج والتلفزيون بيصور- بتساله المذيعة تقول ايه للاخوة اللى محجوش؟ قال: انا انصح كل اللى محجش يروح السعودية لان الحج هناك بالذات حلو اوى

مره عملوا مسابقه من اللى يخلى الكمبيوتر ميعرفش يجاوب على سؤال:
الاجنبى سأل:الكمبيوتر جاوب خلال دقيقه
اليابانى سأل:الكمبيوتر جاوب خلال دقيقه
الصعيدى سأل: الكمبيوتر بعدها اتحرق وطلع دخان الراجل اللى عامل المسابقه سأله انت سألت الكمبيوتر قلت له ايه؟
قال له:انا قلت له ابو قردان قبل مايخلف قردان كان اسمه ايه؟

يهودى دخل مسجد معاه سكين و قال: مين فيكم مسلم ؟ محدش رد عليه إلا واحد شجاع قاله: أنا مسلم فقاله: عندى خروف عايزك تذبحه و تسلخه على الطريقه الإسلاميه قال المسلم: أنا اعرف أذبح بس شوف واحد ثانى يسلخه بعدها دخل اليهودى المسجد والسكين كلها دم من الخروف و قال: مين فيكم مسلم ؟ اشاروا المصلين على الإمام رد الإمام هو عشان صليت بيكم ركعتين ابقى مسلم

مره واحد فافى دخل المسجد وعطس فقاله الى جمبه يرحمكم الله فقال له ميرسى

واحد صعيدى عمل ارشين سافر مصر ملقاش حته يبات فيها بات على الرصيف الحرميه سرقوه وحلقولوا شعره صحى من النوم قال الفلوس الفلوس بيحسس على راسه لاقى نفسه اقرع قال الحمد لله مش انا

مرة واحد صعيدى المضيفة بتسالو حضرتك تحب تفطر فطار كامل قال لها هو كامل مش هيفطر؟!

صعيدى بيتحدى امريكى بيقولوا احنا 7000سنة حضارة الامريكى قاله:احنا سبقناكوا ب1000سنة وطلعنا القمر...الصعيدى لقيته ايه فوق القمر..قاله لقينا رمل وحجارة..الصعيدى قاله ماهو احنا اللى طلعناهم

مره واحد صعيدي وقع في حفره رمولو حبل وبيشدوه لقوه شانق نفسه

واحد صعيدى ركب تاكسى ولما وصل للمكان
المطلوب سئل السائق كام قال العداد سجل
عشرين فاعطاه الصعيدى عشره جنيه قال
السائق قلتلك عشرين قال الصعيدى
هو انت مش راكب معايا ولا ايه

تهييس 19334