خلطه لتطويل الشعر وتكثيفه

[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم حبيباتي
عندي لكم خلطه من تجربتي الخاصه تطول الشعر وتكثفه
والله العظيم اني مجربتها وكل خواتي ومفيده جدا جدا
وتطول الشعر في شهرين
بس يبغالها اجتهاد وصبر وتنظيم
انا سموني قفه لييش؟ عشان شعري ماشاء الله كثيف وطويل
وقفه في بلدنا تعني الشعر الكثيف والطويل
قولوا ماشاء الله
المهم الخلطه كالآتي
جيبي من العطار نص كيلو سدر ونص كيلو حنه
اخلطيهم بملعقتين زيت زيتون ونص كاسة مويه او المقدار اللي يخلط الحنه
وتكوني مغسله شعرك بالشامبو قبلها بيوم
وتحطيها على شعرك
لمدة ساعتين وتغسليها بالماء فقط
وبعد ما ينشف شعرك(لا تجففيه بالاستشوار)
حطي عليه اي كريم
عشان لا يتكسر
وبعدها بيومين
وهذي الخطوه ضروريه
تدهني شعرك بزيت الخروع للشعر
وتركزي على الفروه تأكدي من وصول الزيت اليها
وتكملي دهنه لحد ما تغمري شعرك بالزيت ارفعيه وامسكيه بشباصه
واربطي عليه كيس وبعدين فوطه
وخليه 6 ساعات واغسليه بأي شامبو
وبعد ما ينشف حطي عليه كريم
(ملاحظه)الزيت تحطيه مرتين في الإسبوع
وضروري تخليه 6 ساعات عشان يجيب نتيجه
اما الحنا والسدر فمره كل اسبوعين
في البدايه راح تقولي صعب بس لمن تنفذيها مرتين تتعودي عليها
وتحبيها وخاصة اذا شفتي النتيجه الحلوه
لاتنسوني من دعائكم بالعافية والمغفره واني انحف بسرعه من غير مرض.
وشكرا

» ملف كامل للجمال من القدمين الى الشعر ..